AGOLA Page 21-25

AGOLA Page 21-25
.
Washe gari Falak ta tashi da karfin jiki, haka tagama aikinta, sannan tashirya ta nufi kasuwa.

Yauma tana gama siyayyarta tahadu da Sameer, bayan sungaisa yajata zuwa cikin shagonsu, zama tayi kanta akasa duk kunya takeji saboda kayan dake jikinta.

Falak, taji yakirata. Amsawa tayi amma bata dago takalleshi ba, hakika naji labarinki wanda yafirgitani, gaskiya inga rayuwa, koma ince kina cikin ganinta, abinda nakeso dake ki kara hakuri abisa wanda kikeyi, babu wani rai daze rayu aduniya, face se Allah jarabceshi, da duk abinda yayi niya.

Kuma bakowane yake iya cin jarabawar da Allah yayi mashi ba seme imani. Falak akwai abinda nakeso infada maki, kuma inafatan zaki fahimceni, banaso kidauki maganar dazan fada maki kamar saboda tausayinki ne yasani fadamaki ita.

Wlh Falak tun ranar dana fara ganinki arayuwata Allah yajarabeni da sonki, ina maki son daban san irinshiba, alokacin danaji labarinki sonki da tausayinki suka kara shiga raina. Dan Allah Falak kada kice bazaki amshi roko naba, kiyi hakuri nasan natsaidaki kilama ayi maki fada, bansan inda zanganki ba, idan ba nan ba. Amma bazan matsa maki dajin amsarki yanzu ba, ga wannan wayace nasiyo maki sekirika boyeta kada akwace maki.
.
Ina Jalila fa? Se asannan tadago kai tana kallonshi, tace ai ta tafi A,B, U Zariya, jiya, yace tasamu admission ne? Tace e tasamu biological science suka bata. Yace yayi kyau, kema kiyi hkr insha Allah wata rana zakiyi naki kinji. Murmushi tayi tace Allah yasa. Wayar yabata da kyar ta amsa, tayi mashi godiya, sannan suka fito yarakota.

Harkusa da gidan yakaita, sannan yamika mata wata leda yace gashi tace ta meye ne, yace idan kinje kiduba zaki gani, idan kuma bakiso sekiba Baba mairo, dariya tayi tace toshikenan, nagode Allah yasaka da alkhairi, yace ameen, amma fa dakinje ki kunna wayarki nasamki ita charji, haka sukayi sallama tashige gida, sa,arta daya Zarah bata nan.

Da dare Zarah tana daki tana waya da Asabe, Baba mairo tazo domin kawo mata abincin da tace akawo mata. Harzata shiga taji Zarah yana wata magana, kara labewa tayi domin sauraron abunda take fada.

Wlh Inna Asabe sonake da inkori yarinyar nan, banaso tana zaune gidan nan wata rana Alh, ze iya ganeta, dan kinsanta dashegen tsaro da addini, kuma tanada addu,a banaso ta karya mani shirina, amma idan nakoreta tabar gidan shikenan nahuta.

Tsayawa tayi alamun sauraron Asabe, Can tace toyanzu Inna wakike ganin za,a aura mata, nifa kinsan bawani sanin yan iskan unguwar nan nayi ba, da se insamu wani yazo ni ko kudi zan iya bashi ya aureta, kona shekara daya ne bayan yagama wulakanta ta, imma da rabo yayi mata ciki sannan yakoreta, dazanfi jindadi.

Banaso yarinyar nan tabar gidan nan batare da wani mugun tabo arayuwarta ba, kibari kawai zan nemi duk dan iskan danaga yayi mun nakirashi inbashi ita kawai, damma kada yan unguwa su zargj
.

Banaso yan unguwa su zargi wani abu wlh da acikin kwana 2 za,a daura masu aure yadauketa duk inda ze kaita ma yakaita. Shikenan Inna nagode, a,a wannan aiki ai base munkaima boka ba, nima zan iyayi kinsan Alh, atafin hannuna yake kome nafada mashi zeyarda. Toshikenan kibani nan da kwana 2 idan har ban samuba, zan maki magana idan yaso seki samomun anan, ti nagode, idan Jidda tadawo kigaishemun ita, nakira wayarta bata shiga.

Komawa da baya Baba mairo tayi saboda wani tashin hankali dataji yana shigarta, ta dade afalo kafin naga cikin sauri tanufi dakin Zarah, da sallama tashiga, Zarah tace shigo mairo, shigowa tayi tace Hajiya ga abincin nan, Baba mairo tafada tana goge kwalla.
Zarah tace Mairo lafiyarki kuwa naga kamar kina kuka? Kara rushewa tayi da kuka tasamu guri tazauna, tashi Zarah tayi tace dan Allah Mairo kifadamun ko wani naki ne, ya mutu? Fyace majina tayi tasa zaninta tagoge, sannan tace Hajiya da irin abunda akamun aigara ace mutuwa akayi mani zan iya hakura akan cin mutuncin da wannan yarinya tayi mani.
.
Ace yanzu duniya babu gaskiya, duk yanda karike mutum da gaskiya da amana shi kokari yake yaga bayanka. Wlh, danasan haka yarinyar nan take simi simi da ita da bandauki amanar da mamanta tabani ba. Amma koyanzu nafada mata najanye rike amanar da aka bani, kuma nace tafitarmun adaki bazan iya zama da ita ba.

Zarah tace aini mairo baki fadamun dawa kike ba kinzauna kina ta kuka. Dawafa nake idan ba wannan Banzar AGOLAR gidan nan ba, wlh, Hajiya kinyi gaskiya tsintartar mage bata mage, wani irin murmushin dadi Zarah tayi tace Mairo wani abu Falak tayi maki ko?

Haba Hajiya, ashe yarinyar nan yar iska ce bansani ba, shiyasa damatunda kika fara aikenta kasuwa takejin dadi,kullum bata dawowa dawuri, kuma idan tadawo sekiga tadawo da kaya masu yawa, Inazuwa bari kiga wani abu dan kada kice sharri nayi mata. Fita tayi domin dauko abun.

Wani irin tsallen murna Zarah tayi tafada bisa gado tana fadin wlh, karyarki tasha karya Hajjo kice zaki hada kanki kishi dani kizauna lafiya, nayi nasarar kaudaki keda yaronki, yanzu gashi cikin sauki diyarki zata zama karuwa. Gaskiya naji dadi da Mairo tagane gaskiya, kinga yanzu nakara samun yar uwar dazamu huro maki wuta.

Shigowa Baba mairi tayi hannunta rike da Leda, zazzageta tayi sega kayan shafa masu kyau da tsada. Zarah tace ey! Wannan kayan duk natane? Baba mairo tace sosai ma. Kuma waini ina ganin kamar na isa da ita, shine dazu nayi mata magana akan ina take samo kudi haka, se cemuntayi yawon karuwanci takeyi tana samowa kamar yanda nima nakeyi.
.
Wlh, hajiya kinji abinda yasani kuka wai kamar ni Falak zata kalla ta fadamun wannan maganar. Gaskiya hajiya nadawo rakiyar wannan yarinyar, gata nan duk abinda zakiyi mata kimata, babu ruwana aciki, idan ma kina da bukatar temako na domin akoreta daga gidan nan ashirye nakw da inbaki gudummuwa.

Dariya Zarah tayi, tace aini nasani Mairo, komin dadewa zakidawo gurina, domin ke renona ce, tunda nazo gidannan muka hadu dake, nasan dole kidawo gareni, nasan dama tausayine yasaki temakawa Falak, bade So ba.

Agaskiya naji dadin zuwanki adede lokacin danake neman temakon yan gari irinku, kuma maganar iskanci datakeyi wannan ita tasani, aure ma zanyi mata kowa yahuta, sede ba irin auren da kika sani ba. Anan Zarah takwashe komai tafada ma Baba mairo, sannan tace yanzu Mairo kenake ao kibani shawara ina zamu samo dan iskan dazan bashi auren Falak?

Murmushi. Baba mairo tayi tace haba Hajiya wannan aikin ai semu, kafin infara aiki agidan nan nayi sana,ar saida abinci atasha, nasan yan iskan tasha sosai, bakida damuwa, akan wannan matsalar.

Zarah tace yauwa, mairo amma naji dadi sosai, da Allah yasa kikazo awannan lokacin, yanzu yaushe yakamata ace kinkawo mani shi inganshi? Baba mairo tace kada kisamu damuwa gobe da safe zanje tasha, akwai wani mugun da shaye shaye ne dan shine ogansu atasha, babu irin aiki da baya yi, sede aikinshi kudi ne. Zarah tace karkisamu damuwa, abinda yafi wannan ma nakashe kudi akanshi, kawai kigada mashi duk abinda nake bukata, ni kuma zan damka komai agurinki, dan abanaso Alh, ya fahimci wani abu, kije kugama komai, sede zuwa jibi inason ganinshi. Baba mairo tace angama Hakiya, kada atausaya mata ko kadan, bara inje inga kota kwashe kayanta. Zarah tace a,a mairo kiyi hakuri ki kyaleta. Ai takusa barin gidan
.
Zaune adaki Baba mairo tasamu Falak suna waya da Sameer, zama tayi tana kallonta cike da tausayi, Baba mairo tace Falak nasan Sameer ne,  idan kungama kice masa gobe yazo dasafe gurin karfe 9 yadaukeni zamuje gidansu akwai maganar dazamuyi.

Kwanciya tayi tana jiran su gama,  haka sukasha fira kafin sukayi sallama, kamar kada surabu, Falak tanajin aon Sameer aranta sosai.
   Baba mairo tayi dariya tace kaga masoya, amma idan nace kina sonshi sekice a,a Falak tace to nadeji yanzu ai kingane abinda muke ciki ko.

Baba mairo tace e nagane shiyasa ma nazo maki da albishir medadi, sede kuma akwai wata matsala, wadda sekinyi hakuri kafin mudace da abinda mukeso, Falak tace lafiya meyafaru kuma? Kiyi hakuri da abinda zan fada maki Falak dole ne nima tasani zabar wannan hanyar, dan ita kadai ce zata bulle mana,
Anan Baba mairo ta kwashe duk abinda taji Zarah tana fada, da kuma. Shawarar data yanke tajetasamu Zarah sukayi magana.

Kuka kawai Falak takeyi dataji irin tsanar da Zarah tayi mata, da kuma yanda Baba mairo take kokari gurin kareta aduk halin data shiga. Kwanciya tayi bisa cinyar Baba mairo tace bansan dame zan saka maki ba Baba mairo, badan keba da rayuwata tagama shiga matsala.
.
Bakomai Baba mairo, duk abinda kika yanke akaina yayi dede, nasan bazaki taba yimani abunda ze cutar dani ba. Baba mairo tace gobe zanje gidan au Sameer zamuyi magana da Mamanshi, da kuma shi, duk yanda mukayi zakiji. Amma dan Allah kiyi hakuri da irin yanda naci mutuncinki agurin Hajiya. Falak tace Baba mairo banaso kina bani hakuri, akan irin wannan abun, haka rayuwata take, dole se anyi irin haka inde anaso insamu abinda nakeso, babu komai, Allah yashige mana gaba kuma yabamu sa,a. Baba mairo tace ameen, haka sukayita fira, sannan suka kwanta.

Jidda ce kwance adakin Al,amin suna waya da Zarah, Jidda tace Ummi dan Allah kisan yanda zakicema Dady, banaso yakira wayata yaji bata shiga nasan yana iya zuwa zariya, nemana, kuma kinga kawata zan raka london zata hado kayan lefenta, bazamu wuce sati 2 ba.

Zarah tace waini Jidda ke haryanzu bazakiyi kokarin kawo mijin aure ba, sede kirika bin kawayenki, kina masu wahala ke kuma kin kasa fitar da gwani, gaskiya nima nafara gajiya, nima inason inga jikokina. Jidda tace haba Ummi, duka yanzu shekarata nawa dazanyi aure, kina ganin yanda mazan zamanin suke fa yanzu, dazaran sun aureka shikenan duk wata hidima dasukeyi maka awaje sundenata. Wani lokacin ma kudin siyan anko seya gagari mutum, kuma kinga ni ba karatu nayi ba, idan ban tsaya natara kudi ba, kinsan karshenta bawani me arxiki bane zezo aurena.
.
Nide gaskiya Ummi kibari ayanzu inasamun kudi masu yawa dazaran nagama samun kudina zanyi aure, kinga alokacin nima nazama bussiness woman ko? Zarah tayi murmushi tace yauwa Jidda ta, kokefa, aigara kema kitara kudi kozaki fara zama cikin mata masu aji,  to Allah yabada sa,a Allah yasa daga can kena kisamo Alhjin, london kinga semu kaiki can kawai. Shi kuma Alh, kibarni dashi nasan yana zanyi dashi, kije kawai sekun dawo. Amma dan Allah kada kiwuce sati 2, kinsan Alh, dason ,ya,ya.

Damma nima. Bana daga mashi kafa, ai dayanzu yana takani son ranshi. Jidda tace waini Ummi ina Falak da Ameer kuwa? Zarah tadaure fuska tace meye kuma ana maganar arxiki zaki sako mana ta wasu banzaye. To Ameer yajima da mutuwa, Ita kuma Falak tana nan tazama karuwa, shiyasa zanyi mata aure kowama ya huta. Jidda bataji dadin abinda Umminta tafada ba.

Tace Ummi wazata aura? Tace dede da ita ne, zata aura, kewai yanzu bakiga yanda Falak tazama yar duniya ba, har zagin Mairo takeyi fa. Jidda tace dan taga tana da kyau ne shiyasa, ai garama kiyi mata aure kowama ya huta.  Ana. Mn sukayi sallama .

Al,amin ne yashigo zama yayi yace baby wlh nagaji nasha wahala, sosai yau, garin samun visa , amma gashi anan nasamo mana, ina fatan kinga kashe boss na gidanku? Dariya tayi tace tunima, yanzu de karfe nawa jirgin zetashi? Yace karfe 7 na safe. Dariya tayi tajawoshi yafado kanta tana fadin nagode sosai my luv.

.
Washe gari bayan Baba mairo tagama aikinta gurin karfe 10 kamar yanda Falak tafadama Sameer segashi yakirata yace mata yana inda yatsaya.

Sallama Baba mairo tayi mata, tawuce dakin Zarah tace Hajiya nagama zantafi, dan tunjiya nakira wata kawata damukayi aiki atasha nace mata idan Asid yazo ta tsaidamun shi. Murmushi Zarah tayi tace gaskiya nagode Mairo, Allah yasa amince da bukatarmu.
.
Baba mairo tace ameen, kudi har dubu 10 Zarah tabama Baba mairo tace tafara bashi kafin sauran suzo, dubu 1 tabama Baba mairo tace tahau abin hawa. Godiya tayi mata tace ta tafi.

Akusa da wani shago Baba mairo taga Sameer duk da bata sanshi ba, amma tana zuwa gurin yace Baba mairo ko? Dariya tayi tace ka canka dede, yace ai tunda kika taho jikina yabani kece. Ina kwana, tace lfiya lau, Sameer, yace muje ko, hawan mashin din tayi suka wuce.

Zaune suke abisa tabarma Sameer kuma yana zaune abisa kujera, bayan sun gama gaisawa, Baba mairo tafara magana. To Halima, nasan de bakisanni ba, amma kuma kinsami labarinmu agutin Sameer.

Bawani abu bane yakawoni se akan maganar da nasan Sameer yafada maki. Halima tace kwarai kuwa yabani labarin Falak me cike da tausayi, kuma yayi mun magana akan yana son aurenta, kuma nima nayi na,am da maganarshi.
.
Sede yanzu bansan wace magana zakiyi ba. Baba mairo tace hakane, kuma naji dadin yanda kika amshi maganar, babu abinda zamu ce maki sede muce Allah yabiyaki. Kamar yanda kika sani nide ban hada komai da Falak ba, Allah yahadani dasu, tunbayan da Alh, yakawosu gidan danake aiki.

Munyi zama na mutunci da Maman Falak, wadda itace takawomun yanci agidan danake aiki, ada babu wanda yakemun daukar uwa agidan, duk da na a haifena haifi ita kanta Hajiya ba ,ya,yanta ba. Amma suduka mutum 1 ce take bani girmana, wato Jalila. Zuwan Hajiya Hajjo tasakamun Baba mairo, dan ita tace bazata iya kiran sunana kaitsaye ba, hakan yasa tundaga kan Alh, har ,ya,yanshi suka koma kirana haka, sede Hajiyace kadai take kirana da mairo.

Bayan mutuwar Hajiya nacigaba da rikon yayanta, har Allah yadauki dayan, sede Falak kawai tayi saura. Kuma itace Hajiya ta maidata kamar baiwa agidan, datana da ikon kasheta kamar yanda tayima mamanta da kaninta itama da tuni takasheta. Nadade ina tunanin hanyar dazan bi inga Falak tabar gidan, sede kafin mutuwar hajiya tabar mata wasiyar komin rintsi kada tabar gidan Alh, har se idan aure tayi.
.
Nima haka tabani wannan wasiyar, duk da yanzu Falak ba abakin komai take agurin Alh, ba, kuma ba aikin kowa bane sena Hajiya Zarah, kwata kwata yanzu Alh, yamanta da wata Falak agidanshi, shi kanshi yazama shanyayye agidan.

Ina cikin neman mafita segashi Allah yakawo mana Sameee, tun ranar da yafara temakon Falak naji inama ace yazo yanemi auren Falak, alokacin hajiya bata lafiya anrasa wane irun ciwo take, Sameer yabama Falak wata addu,a cikin ikon Allah ana fara yimata ita tasamu sauki, hakan yasa muka dawo gida akacigaba dayi mata addu,a.
.
Sede alokacin da ciwaonta yakara tsanani Sameer. Yakoma makaranta, kuma wannan ciwon shi yazama ajalinta. Ajiya naje kaima hajiya abincinta naji wata magana data firgitani,.........   Anan Baba mairo tafada masu irin wayar dataji Zarah tanayi ajiya.

Ina gama jin wayar nan narasa yanda zanyi intemaki Falak, kawai senayi amfani da abinda nafada maku nashiga gurin hajiya da maganar, cikin ikon Allah tayarda da abinda nafada mata, kasancewar mafita take nema, kuma dama hajiya duk wani makiyin Falak to ita masoyinta ne.

Shine nataho domin infada maku shawar danazo da ita. Goge kwallan idonta Halima tayi, shima Sameer tunda yaji irin abinda akeson ayima Falak dinshi yafara kuka. Halima tace lallai wannan mata batada imani, kuma zata iya kashe Falak, damane kawai bata samuba.
.
Yanzu wace shawara kika kawo? To kamar yanda mukayi da ita, azuwan nataho tasha ne insamu Asid wanda haka kawai nafada mata sunan, domin acan garinmu akwai wani dan kwaya haka ake cemashi, toganin sunan yayi kama dana marasa da,a yasa nima nace mata sunanshi kenan.

Sameer kaida Falak duk sekunyi hakuri idan har kunaso mucima burinmu, Halima cewa nayi meze hana Sameer yayi basaja yazo amatsayin Asid danace zankawo. Ammafa seka canza shigarka, dole kasamu kaya irin na yan iska, da kuma sarkar dazakasa awuya, domin hajiya tayarda kayi dede dawanda takeson bama Falak, kaga idan har Allah yasa mukaci nasara, shikenan Falak tazama taka, kada kadamu da maganar hajiya dan tace shekara 1 kawai takeso Falak tayi agidan aure asaketa. Mude burinmu tabar gidan, kaga idan har igiyar aurenta tazo hannunka, kaine kake da saki, kuma nasan duk inda za,aje babu mesaka kasaketa, tunda ba ita ta haife taba.

Halima tace agaskiya Baba mairo wannan shawara tayi, koko yakace Sameer? Goge idonshi yayi yace hakane Umma , ashirye nake dayin duk wani abu daze fitar da Falak daga rayuwar datake ciki. Insha Allahu gobe zanzo gidan amatsayin Asid kamar yanda kikace Baba mairo. Allah yayi mana jagora.
.
Suka ce ameen. Halima tace toyanzu Sameer dole mufara shirin biki, dan nasan baze dau lokaci ba, anjima zansamu kawunka, infada mashi halin da ake ciki, nasan shima zebamu goyon baya, danshima mutum ne me gaskiya kuma gashi malami. Bab mairo tace Kada ku takurama kanku kuyi abinda zaku iya, daga baya komai zeyi dede, nasan ai anan gidan zata zauna ko?

A,a gaskiya Baba mairo nide nafison yaje yakama masu haya mesauki suzauna, idan Allah yasa yasamu aiki ko kuma kasuwancin dayakeyi ya kara kwari tunda yanada filinshi se yafara gini, wlh, banason zama gida daya da sirika, kinsan ance yau da gobe se Allah.

Sosai Baba mairo taji dadin abinda Halima tafada, tace toshikenan Allah yatemaka, kai kuma Sameer banason katakura kanka, kasamu gida mesauk, badole sekunj dadi alokacin da kukeso ba, da sannu wata rana rayuwa take canzawa, kuma duk kudin da hajiya tabayar abaka kayi amfani dasu ka kama haya kuma kayi hidimar bikin dasu.

Sameer yace to Baba mairo, bazace zanki amsar kudin ba, sede kisani bazan yi amfani dasuba, yanda kika bani haka zanba Umma ajiyarsu, banaso in auri Falak da kudin haram, kuma nasan wata rana dole Hajiya zatayi mani gorin abinda tamun duk ranar datasan gaskiya, kuma aranar zanbata kudinta.
.
Baba mairo tace gaskiya wannan yaron kacika da halak, Allah yayi maka albarka. Ni bara inzo intafi, tunda Allah yasa nasamu abinda nakeso, kada taga kamar na dade. Halima tace to Baba mairo mungode, kema Allah yabiyaki irin jihadin da kikayi. Sameer yayi dariya yace au BabaMairo namanta fa Falak tace idan har badake zamu tafi ba, bazata aureni ba. Dariya sukayi Baba mairo tace haka kullum take cewa. Halima tace ai wannan haka yake, banga abinda zaki zauna kiyi agidansu ba, dama zaman Falak kikeyi, tunda tayi aure ai shikenan. Sede nima ina da tawa shawarar. Baba mairo anan gidan zata dawo da zama,ba gidanku ba. Sameer yace a,a gaskiya Umma kingafa munrigaki. Baba mairo tace kyalesu dama koda tafada nibanyi niyar zama ba, niyata bayan aurenta inkoma garinmu.

Halima tace a,a Allah baza,ayi haka ba kinga babu kowa anan gidan dama diyar kanwata ce nace zata dawo nan idan Sameer yayi aure, tunda kuma gaki ai setayi zamanta, dama ina da almajiri memun aike aike, Allah babu wani abu kidawo nan dazama. Baba mairo tace toshikenan. Allah yamana jagora. Sameer yace wato de anyimana kwace da rana tsaka ko? Sukace ai haka yafi gara abarku kukadai kusan zaman aure kukeyi. Da haka Baba mairo tayi masu sallama tare da bama Halima dubu 10dan tafara ajewa.

Haka Baba mairo tajema Zarah da albishir medadi. Zarah bakaramun dadi taji ba, tace kuma acikin sati daya za,ayi bikin. Baba mairo tace a,a yace yafison nan da sati 2. Zarah tace shikenan, idan Alh, yadawo zanyi mashi magana yabada kudi asai mata kayan aure amma tsofaffi za,a siya mata suma dan kada mutanen gari suce bamu rike amanar da,a bamu ba. Kema zanba kije gurin dillalan nan mata kisiyo mata gado da katifa, se kujeru da yan kayan kitchen, zance mashi cikin kudin dazan bashi yasiya mata kaya kala 3 wanda zatasa da biki.

Haka Baba mairo dashigo daki tasamu Falak tafada mata duk yanda sukayi da Sameer da kuma Zarah yanzu. Sosai Falak taji dadi tajiba, jitake kamar anyi mata albishir da gidan aljanna, itade idan harzata bar gidan nan to ko inama ta tafi.
.
Jalila tana karatunta hankali kwance, sede akai akai suna waya da Falak, amma Falak bata fada mata labarin aurenta da Sameer ba, da Baba mairo tahana tafadama kowa har Jalila, saboda tace tsakanin da da Mahaifi se Allah, tabarshi idan komai yayi dede taji. Ko maganar auren daza,ayi mata ma sede agurin Zarah Jalila takej, aranar dataji bakaramin kuka tasha ba, tana tunanin wace irin zuciya Umminta gareta.

Jidda kuwa aranar dasuka isa london kwanan Al,amin 2 yayi mata sallama yadawo nigeria, har kuka seda Jidda tayi haka yayita lallashinta, yace nan da sati 4 zezo yadauketa su koma. Tun bayan tafiyarshi suke more rayuwarsu itada abokin Al,amin Joseph, bakananan kudi Joseph yake bama Jidda ba, seda takai har Sallah Jidda tadena yi, rayuwar turai kawai takeyi, idan kaganta sekace baturiya ce, dan takara zama fara sosai.

Yawo sukesha ita da joseph, suk inda takeso yana kaita, domin sosai yakejin dadin harka da Jidda, har fada yakeyi tafi sauran yanmatanshi komai, shiyasa tunda tazo ya sallami yan matanshi, ita kadai yake harka da ita. Duk kudin dayake bata betaba barin takashe koda gwandala ba, shine yake mata komai, shiyasa ma take adana su acikin akwatinta.

Sameer yazo gidan su Falak cikin irin shigar da babu wanda zeganshi yace mutumin kirkine, sosai Zarah taji dadin ganinshi haka, kuma tabashi kudi masu yawa, tace idan Alh, yadawo nan da jibi zata kirashi yazo sugaisa. Amma inaso aranar kadan saka manya kaya, idan ma baka dasu ka aro, duk da zancema Alh, me aikina ce zatayi aure kuma shine ze zama waliyinta, kaga bazeji dadi yaganka cikin irirn wannan shigarba. Anan sukayi sallama yatafi.
.
Halima tasamu kawun sameer tayi mashi duk bayanin abinda akeciki agame da auren da Sameer zeyi, shima ya tausayama Falak sosai, kuma yace babu damuwa zeje yayi yanda sukace.
     Bayan Alh, yadawo Zarah tayi mashi bayani akan auren dazatayima me aikinta, dakuma abinda takeso yayi, babu gardama ya amince, kudi yabata naira dubu dari 500 yace gatashi gudummuwar asaya mata kayan daki, godiya tayi mashi, sannan tace anjima Sameer da kawunshi zasuzo gaisheshi. Alh, yace sunan yaron sameer tace E, dan shima haka yafada mata, amma yace ba,a kiranshi da sunan, sede Asid, dan Sameer cewa yayi bayaso adaura auren Falak dawani sunan banashi ba. Alh, yace Allah yakawosu lafiya.

Haka su Sameer da kawunshi sukazo suka gaisa da Alh, sosai kawun Sameer ya tausaya ma Alh, gashide cikekken mutum amma yana ganinshi yagane akwai sihiri ajikinshi, dan kawu malamine sosai, haka su kawu suka bada kudin aure da kayan sa rana akasa biki sati 2.

Zarah tabama Baba mairo dubu dari da hamsin  tace tayima Falak siyayya, daga can awuce dasu gidan dazasu zauna bataso akawo matasu, Baba mairo tace hajiya bazakije ganin gidanba? Zarah tace Allah yakyauta, ai naji dadi tunda kina nan, sekiyi komai.

Sameer yasamu dan karamin gida yakama haya, har fenti seda yasa akayi, sannan su Baba mairo suka kawo kayan daki akayi jere, gado ne da kujeru, se katifa dukansu tsofaffine, sede basosai suka tsufa ba, dan hada kudin Baba mairo aka hada akayimata siyayya, kayan kitchen ma, ansai mata rishow da tukunya 2 se kula 2, jug 2 da plate da ludduwa se cokali. Gidan balaifi yayi kyau. Ana saura kwana 2 daurin aure aka kawo kayan da Falak zatasa , suma acikin bakar leda ne, kala 3 kananan atamfofi se takalmi 1. Zarah kamar zatayi rawa dan murna, su asabe da Dije duk sunzo, amma babu abinda suka kawo.

Aranar asabar aka daura auren Falak da Sameer akan sadaki dubu 20, ba laifi mutane sunzo yan unguwa, dayake Alh, yasa anyi sanarwa amasallaci za,ayi daurin aure agidanshi, yan uwan Sameee ma sunzo.
.
Da dare gurin karfe 7 aka kawo mota daya somin daukar amarya, Zarah tacema Dije da Mairo suje sukai amarya se sudawo. Haka aka fita da Falak, dan babu wani fada da Zarah tayi mata, Falak taso taga Alh, amma Zarah tahana, dan boka yace duk ranar dasuka hada ido da Falak da Alh, asirin ze karye. Haka Falak tafita tana kukan rashin Uwa. Mutanen unguwa se gulmar Zarah sukeyi suna cewa takasa rike amanar da,a barmata. Su Baba mairo basu dade ba, suka juyo, Falak kuka kawai takeyi. Bayan tafiyarsu Jalila ta kirata awaya, tana kuka tana bata hakuri, tace. Wlh Falak bazan iya zuwa inga irin auren da Ummi tayi maki ba, kiyi hakuri Falak, insha Allahj wata rana komai zewuce. Falak tace bakomai Jalila nagode, haryanzu de kinkasa zuwa gida ko? Jalila tace Falak banason abinda Ummi takeyi agidan nan, shiyasa nafison zama. Makaranta akan gida. Falak tace banason Haka Jalila, da kunsamu hutu kidawo gida, ko kin manta wa,azin da Malam Sameer yayi mana akan muhimmancin uwa? Kome Ummi tayi dole kibata hakkinta amatsayintana Uwa, idan har kinaso mushirya to da kunyi hutu kizo gida. Jalila tana kuka tace shikenan Falak zanzo, nagode da tunin da kijayi mani. Allah yabada zaman lafiya, yasunan mijin naki?  Falak tace nimade Ummi tace mun sunanshi Asid. Jalila tace dan Allah jiwani suna, kiyi hakuri Falak nasan Ummi tasakaki kowace rayuwa kika shiga. Sallama tayi mata takashe wayar. Murmushi Falak tayi tace Jalila Umminki tabiyani tunda hartayi sanadiyyar sama mun farin cikina.

.

Zaune take ita kadai tana ta tunanin irin rayuwar da tayi, addu,a tayi Allah yasa aurenta yazamo karshen yankewar wahalarta. Sallama taji anyi, Sameer ne yashigo bayan ya kulle gidan sannan yanufi dakin da Falak take.

Zaune take da ganin idonta taci kuka, harta gaji, zamayi kusa da ita tare da cire mayafin data rufa, hannu tasa tarufe fuskarta, murmushi yayi yace Falak yau kuma rowar fuskar akemun? Ai yanzy munzama daya, nazama ke kin zama ni. Cire hannunta tayi tana kallonshi tana murmushi.

Falak nagaji dayawa, tashi muje muyi wanka, kafin muzauna ko? Aini nayi wanka sede kaje kayi, uhm bawani nan banyarda ba, to koma kinyi zaki sakene, ai bance kiyi ke kadai ba, tashi tayi tashiga bandaki ta hada mashi ruwan wanka sannan tafito, kokarin cire riga yake yana fadin da gaske fa nake tare zamuyi, ai tun kafin yakarasa fadi tayi waje.

Dariya yayi yace matsoraciya, wata rana zamuyi ne, shiga yayi bandakin yayi wanka, seda yagama shiryawa sannan tashigo itama tawuce bandakin, daga cikin dakin yake mata magana, kiyo alwala kafin kifito fa.

Bayan tagama tafito tadauki diguwar rigarta a durowa takoma bandaki tasaka sannan tafito, turare kadai tashafa tashimfida masu abin sallah, shiyajasu sallah har suka, gama, sannan yayi mata tambayoyi akan addini, dayake Falak akwai kokari duka ta amsa tambayar da yayi mata,

Tashi yayi yadauko ledar daya shigo da ita, kitchen ya koma ya dauko plate sannan yazuba masu, shiyarika bata shima yana ci, harsuka koshi, Falak de kunya takeji takasa sakin jikinta. Kwashe kayan yayi ita kuma takoma bandaki tayo brush, abandakin yasameta tana shirin fitiwo, hannunta yakama, seda yagama sannan suka fito tare, rigar jikinshi yacire dagashi se gajeran wando da vest, saurin rufe idonta tayi, jitayi itama yana kokarin cire mata riga, tace sanyi fa nakeji.
.
Dariya yayi yace ai bargo zamushiga, haka yacire mata riga daga ita se under wear da vest yabarta, bisa gado yajata, bayan aun kwanta yajawota yadorata bisa kirjinshi, yanata shafa mata kanta, tuni jikin Falak yafara rawa. Murmushi yayi yace Falak sarkin tsoro, ni babu abinda zan maki, magana zamuyi, kuma nafiso injiki ajikina shiyasa.

Ajiyar zuciya tayi dataji kalamansa. Falak, Sameer yakirata, na,am. Dole mugodema Allah daya nuna mana wannan rana, bazan iya kwatan tamaki irin farin cikin danake ciki ba, Allah yasani duk da ga yanda akayi aurenmu. Wlh banajin haushi kokadan, nasan dayawa mutane suna gulma akan aurenmu, amma ni beda meni ba.

Nasan Falak zakiji haushi da irin yanda na aureki, kiyi hakuri, komai ze canza, duk da kinfi kowa sanin yanda aurenmu yakasance amma dole inbaki hakuri, insha Allahu gobe tela zekawo maki dinkunanki, akwatinanki kuma suna gurin Umma, suma gobe zan daukosu.

Nayi hakane saboda banaso Umminku ta fahimci wani abu, shiyasa nakawo kaya marasa kyau, inaso kidaukeni abokin rayuwa na har abada, banida niyar cutar dake, kuma insha Allahu zan zamo maki abin alfahari, idan komai yayi mana dede zaki koma makaranta kema kiyi karatu kamar kowa,
.
Banaso idan kina da damuwa ki boyemun, yanzu bakida kowa seni, Baba mairo tayi maki nisa, yanzu nine makusancinki, idan har muka gina rayuwarmu ahaka, tabbas zamuji dadi kuma wani abu baze shigo ya tarwatsa zamammu ba.

Kamar yanda Umma tace nan da kwana 2 Baba mairo zata koma gidanta, itama bazata kara zama amatsayin me aiki ba, shikuma Dady insha Allahu zamu sa shi acikin addu,a kawu ma yace zetayamu da addu,a domin tun ranar daya ganshi yagane yana cikin yanayi na asiri.

Allah yanbani ikon rike amanar dana dauko, kuka sosai Falak takeyi, jawota yayi yakara rungumeta yana lallashinta, shiru tayi tana maida numfashi. Dagowa tayi ahankali tace Bansan dame zan gode maka ba, Allah ya..... bata karasa ba, jin yahade bakinsu guri daya, kissing dinta yake sosai, tuni jikin Falak yafara rawa, jin irin abubuwan dayake mata. Daga haka labari ya canza.

Zaune suke adaki suna ta faman dariya, Zarah tace yakukaga irin aikina, ai nafada maku bazan taba barin Falak tayi rayuwa me dadi ba, haka zata kare daga karshe tayi mutuwar wukakanci. Dije tace gaskiya hajiya kema kin iya aiki, yanzu dasunyi shekara 1 ze saketa?

E haka nace mashi, daga farko, amma daga baya nace mashi dayaji ta isheshi ze iya koromun ita, kuma nace mashi yatabbatar yayimata raga raga, kada ya saukaka mata dede da kwana 1, kuma nace karyayi mata riko mekyau, kinsan dangiya akwai dukan matansu, haka ze maidata kamar jakarshi, ga aiki ga duka, kafin tadawo gidan nan setakoma kamar me kanjamau.
.
Asabe tace, amma inafatan idan tadawo ba,anan zata cigaba dazama ba ko? Zarah tace haba de, nikam mezanyi sa wannan yarinyar, ai dama burina ta wulakanta, idan da halima sonake tafito da ciki. Dije tace duk da haka idan tafito kada kibarta tashiga duniya haka, kinsan mutane akwai tausayi, wasu zasu iya daukarta su temaka mata rayuwarta zata iya yin kyau nan gaba.

Kawai itama ayi mata yanda akayima uwarta, asamata ciwo me tsanani kinga kota tafi acan zata mutu. Zarah tace kwarai kuwa wannan shawara taki tayi, zanjira fitowarta, sekuje gurin boka yayi mata aiki. Haka sukayita fira daga nan Zarah tayi masu seda safe tawuce gurin Alh,.

Jidda da Joseph suna nan suna cin duniyarsu, Jidda tayi kyau hartagaji, lokaci zuwa lokaci suna waya da al,amin shima idan yakirata seta ga dama take dauka, ayanzu yanda takejinta cikin daula, gani take tafi karfin Al,amin, shiyasa yanzu take mashi wulakanci. Tunbaya damuwa haryafara damuwa, ganin abin nata yana kara gaba, yasa yayima Joseph magana akan zezo yadauketa.

Dayake agaban Jidda sukayi wayar tun kafin Joseph yabashi amsa ta anshi wayar, cikw da masifa tace wai kai Al,amin ana so dole ne? Nifa yanzu babu wanda zetakuramun nima inada yancin dazanyi rayuwar danakeso, saboda haka dan Allah ka sauraramun kafita ahanyata, wlh yanzu nafi karfin ace wai kai saurayinane, ko ada rashin wayo neyasani biye maka, amma yanzu kasani ni Jidda nafi karfinka, bani ba kai.

Kashe wayar tayi tacema Joseph kada yakara daukar wayarshi, ita baruwanta dashi, anan zata zauna idan taso tafiya gida zata tafi ita kadai. Wani irin mugun murmushi Joseph yayi, dama yana lallaba tane saboda idan Al,amin yadauketa, idan yakara neman tazo zata iya dawowa.
.
Al,amin kuwa mamaki ne yakamashi, tsayawa yayi yana kallon wayar hannunshi. Wasu irin zafafan hawayene suka rika zubi mashi, har ga Allah yaso ace Jidda ta saurareshi, yanaso tadawo kodan yafada mata shiyanzu yatuba, yanaso itama ta tuba kuma shize aureta, tunda dama shine farkon lalata ta.

Tunda yaga wani abokinshi agabanshi yarasu, tundaga ranar tsoron Allah yakamashi, kuma yayi alkawarin baze kara aikata zina da duk wani laifi marar kyauba. Hakan yasa yakira joseph dan yaje yadauko Jidda amma tayi mashi rashin mutunci. Kuka sosai yakeyi yana fadin why Jidda, meyasa zakimun haka, kinsan ina sonki, tsautsayi ne, da rudin shedan yasa harna iya bama wani banzan arne ke yake kusantarki kamar matarshi, nayima Allah laifi megirma da har na iya amincewa da makiyin Allah.

Tashi yayi yashiga bandaki yayo alwala yafara sallah, bayan yagama yakira wani abokinshi yace mashi   yanason visa zuwa ummrah idan ze samu, yace mashi babu damuwa yazo gobe. Al,amin yace gara intafi inje inemi yafiyar Allah shine abinda yafimani. Ke kuma Jidda zancigaba dayi maki addu,a insha Allahu ko ban aureki ba, yanda na kaiki nine zan daukoki, nasan Allah baze yafemunba matukar ban raboki daga gurin kafirin Allah ba.

Washe gari dasafe Sameer yatemaka ma falak tayi wanka yagyra gurin bayan sunyi sallah suka koma bacci, rungume yake da ita kamar ze maidata ciki, se albarka yake samata. Segurin karfe 10 sukatashi, alokacin Ummanshi ta aiko masu da abinci, haka suka ci , ya gyara gurin, fita yayi yace zeje gida daga can yawuce kasuwa gurin me dinki.
.
Shatara ta arziki Zarah tayi masu Asabe, Godiya sukayi mata tasa driver yamaidasu. Komawa tayi daki tadauko wayarta domin takira jidda, dan jiya Alh, yake tambayarta ita, harcewa yayi tadawo gida hakanan, duk da yana tsoron Zarah amma bayajin tsoron yimata magana akan yaranshi, sede idan ta taso mashi da masifa ne, yake rudewa.

Itama Zarah hankalinta yafara taahi ganin haryanzu Jidda bata dawo ba, tsaki taja ganin haryanzu wayar taki shiga, hakan ya tabbatar mata basu dawo ba. Oh ni Zarah kada fa yarinyar nan tajawo mani abun fadi agari, daga zuwa hado kayan aure shikenan. Kuma gashi ko sunan kawarta ta bansani ba, bare insan gidansu. Danaje na tambayo ko lafiya. Gaskiya nima nayi sakaci, kuma Inna Asabe ai tacemun babu inda Jidda take zuwa kullum tana gidanta. To ina tasamo wannan kawar?

Baba mairo ce tayi sallama harya zauna Zarah batasan tashigo ba, seda ta tabata sannan taji shigowarta, Hajiya lafiya kike irin wannan tunani haka? Ai nadauka bakida sauran damuwa yanzu, Murmushi Zarah tayi tace nikam damuwar mezanyi yanzu, kawai ina lissafin wasu kuda dene.

Murmushi Baba mairo tayi, dan taga alamar Zarah batasan duk abinda take fadi afili tafadeshiba. Hajiya dama zuwa nayi ince maki inaso zanje ganin gida, kinga na dade banjeba, amma wannan karon gaskiya zan jima, kila ma zanyi kamar wata 5. Waro ido Zarah tayi tace haba mairo, wata 5 fa? Yanzu yakike so inyi da aikin gidan, to hajiya gashi bansan inda zan sama maki wata ba, sede ki bincika nasan zaki samu.

Toshikenan, yaushe zaki tafi? Gobe nakeson tafiya. Allah yakaimu, bara zanfadama Alh, anjima seya sallameki, godiya tayi mata ta fita.

Falak tana zaune ita kadai afalo gashi babu kayan kallo, sede game kawai takeyi da wayarta. Sameer ne yashigo da sallama yana fadin yi hakuri baby na, nabarki gida ke kadai, wlh ina kasuwa tundazu. Murmushi tayi ta taso takarbi kayan daya shigo dasu tana fadin sannu dazuwa.
.
Komawa yayi yadauko sauran kayan, ruwa takawo mashi, sannan takoma tadauko abincin da aka kawo masu daga gidansu Sameer. Jawota yayi yana fadin kinzauna shiru ko? Kiyi hakuri zamu sa kayan kallo kinji. Abinci tamika mashi abaki tana fadi bakomai wata rana ai bazan zauna shiruba ko? Yace hakane, karbar cokalin yayi yacigaba da bata shima yana ci.

Bayan sungama takwashe kayan ta kai kitchen, seda ta wankesu sannan tafito, zama tayi yafara fiddo mata kayan dinkinta, sosai kayan sukayi kyau, ga kuma sauran daba,a dinka ba, acikin akwati da kayan shafa, akawatina 3 da kit yayi mata, kayan sunyi kyau sosai. Haka yasata tayi ta gwada dinkunan.

Washe gari. Da safe Baba mairo tashiga yima Zarah sallama, dubu 5 tabata tace inji Alh, yace tahau mota, se kuma kudin aikinta na watan tabata dubu 15, ita kuma takara mata dubu 2. Duk da dubu 50 Alh, yabata yace tabata hada kudin aikinta sauran kuma tayi tsaraba da kudin mota. Amma seda tarage. Godiya tayi mata tadauki kayanta tafita tana fadin nida aiki agidan nan har abada, Allah yatoni asirinki ke kuma.

Nima nace Ameen.

.

Zaune Baba mairo take adakin Falak kasancewar Sameer yafita, bayan tagama cin abincin da Falak takawo mata, takalli Falak tace, akwai sakon da ummanki tabani, tunkafin tarasu, kuma tacemun inbaki shi bayan kinyi aure.

Alhamdulillahi yau zancika wasiyar data bani, bude wannan jakar kifara ganin abinda ke ciki, wannan kuma wasika ce tabani ita aranar dazata rasu. Karba Falak tayi tabude jakar.

Awarwaro ne tun wanda kakarta tabata, lokacin tana yarinya, se kuma takardun makarantar ta, da takardun filin da Alh, yabama Ameer. Se A,T,M.  Bude wasikar tayi zata fara karantawa afili Baba mairo tace a,a Falak ki karanta aranki tunda wasiyace. Goge kwallan data zubo mata tayi tace, haba Baba mairo nifa ina maki kallon Ummata ce, kinga ko babu abinda zan iya boyemata, saboda haka kada kiyi tunanin zan iya boye maki wani abu. Murmushi Baba mairo tayi tace nagode Falak.

Fara karantawa tayi kamar haka......

.

Falak nasan alokacin da wasikar nan zata iskeki nadade dabarinku, inaso kiyi hakuri da duk yanayin rayuwar da kika tsinci kanki, dukkan tsanani yana tare da sauki. Inaso kirike kaninki kada kibarshi yayi kukan rashin Uwa, duk da nasan shima da kyar zeyi tsawon rai.

Ga awarwaronki nan kisakasu ahannunki, saboda kirika tunawa dameshi. Nasan bakisan kowa nawa ba, yan uwan mahaifinki ma bawani yawa garesu ba, Kawunki kadai kika sani, kuma bana fatan ki kara ganinshi arayuwarki.

Nikaina bansan yan uwana ba, nare inyi maki kwatancen inda zaki samesu, kuma ba,a nigeria sukeba, a niger suke, sede bansan a inda zaki nemesu ba. Inaso kiyi hakuri ninasan Allah ne yakawo mana Alh, domin yazame mana dan uwa, kuma yazama Uba agareki, nasan kobayan babu raina, Alh, ze iya rikeki kamar nice narikeki. Kiyimashi biyayya kamar mahaifinki.

Banyarda ko bayan raina kibar gidanshi ba, kowane hali zaki shiga, gara kizauna agabanshi yafi kishiga duniya, nasan Zarah batasonmu, amma tunda Alh, da Jalila suna sonki kiyi hakuri kizauna dasu, kowace irin rayuwa zaki gani agidan kiyi hakuri wata rana zaki zamo haske agaresu.

Aure ne kadai nayarda idan kinyishi kibar gidan Alh, Falak dan Allah ki kula da Ameer, nasan beda lafiya amma kiyi hakuri dashi, insha Allah zakici nasara arayuwarki, idan kuma shima ya rasu, inaso kiyi hakuri, kirike Baba mairo tamkar nice agabanki.

Nima kaina namaidata uwa agareni, kema kiriketa zata zamo haske arayuwarki, kobayan kinyi aure idan har kina da hali inaso kidauketa zuwa gidanki, idan kuma mijinki be amince ba, acikin kudinki kisiya mata gida tazauna, kicigaba da kula da ita kamar ni.
.
Banyarda kirika boyema mijinki komai ba, shine gatanki, nasan In Allah ya yarda zaki samu miji nagari, wanda baze taba cutar dake ba. Kibashi dukiyarki, yakula maku da ita, dake da kayanki duka mallakinshi ne, kada kizamo me rowa arayuwarki, kuma kizama me temako, saboda temako shine yakawoki halin da kike yanzu.

Ga takardun makarantarki nan idan har kinyi aure baki karatu ba, inaso kinemi yardar mijinki kiyi karatu dan nasan burinki ne, idan har ya yarda, kiyi idan kuma beyarda ba, ki hakura. Kuma koni zan baki shawara zance kiyi hakuri da karatu, domin dukiyarki zata isheki kiyi kasuwanci.

Gara kizauna kirike mijinki zefi maki dakirika fita kina zuwa makaranta,
     Kiyi hakuri da duk irin mijin dakika samu, kada kizama me tona sirrin gidanki agurin kawayenki, domin hakan ze bata zamanku da mijinki, kuma banaso kizamo meyawan kawaye,duk wata shawara dazakiyi kada yawuce Baba mairo da mijinki.

Ga takardun filin Ameer nan, idan har yarayu, wannan filin nashi ne, amma banyarda kimaidasu agurin Alh, ba harse idan shine yanema dakanshi, nasan Zarah tanajin haushin Ameer idan har tasan da Filin nan zata iya amshe shi. Idan kuma yarasu, toki mikasu zuwa ga Alh, dan yanada iko akansu.

Akwai A,T,M acikin jakar, wannan gadonki ne na Babanki, tunkafin yarasu yarika ajiye kudi aciki, kuma da sunanki aka bude accaount din. Bayan aurenmu da Alh, yayi mani kyautar kudi dayawa, kuma da wanda nasamu, hakan yasa nace mashi yarakani inje insaka abanki, kuma akayi maki A,T,M.
.
Haka narika tara duk wasu kudi da Alh, yake bamu, bantaba cin komai ba, dan bana bukatarsu alokacin. Kuma nasan zasuyi maki amfani wata rana, kudine masu yawa, kibama mijinki yajuya makisu, kada kidamu da cewar ze iya cinye makisu, insha Allahu babu abinda ze samesu zakici moriyarsu.

Daga karshe kimikamun gaisuwata ga duk mijin da kika aura, Allah yayi ma rayuwarku Albarka, ya tsaremun ku, kada kuncin rayuwa yasaki ki sabama Allah, kiyi hakuri aduk halin da kika tsinci kanki.

Nabarku lafiya. UMMANKI HAJJO.😭😭.

Bisa cinyar Baba mairo Falak tafada tana kuka, jitake kamar yanzune Ummanta ta rasu, itama Baba mairon kuka takeyi, haka suka dauki lokaci suna kuka, har Sameer yashigo basu saniba.

Zama yayi kusa da Baba mairo hankali tashe yana fadin lafiya de Baba mairo, ko wanine yarasu? Se alokacin sukansan yashigo. Gyara zama Baba mairo tayi tana goge kwallan idonta, Falak kuwa kwanciya kawai tayi ajikin Baba mairo tana maida numfashi.

Bayan sun gaisa da Sameer Baba mairo tamika mashi wasikar hannun Falak, zama yayi yashiga karantawa, har yakai karshe, shima hawaye ne, suke fita a idonshi. Baba mairo tace ina fatan ka karanta abinda ke cikin wasikar?

Saboda haka Sameer inaso kabude kunnuwanka kaji abinda nakeso infada maka. Da farko de kai ba yaro bane, kuma malami ne na addini, nayarda da kai, hakan yasa nadauki Falak na baka, nasan bazaka iya cutar da ita ba, saboda marainiya ce, kuma nasan kasan hukuncin cutar da maraya.

Duk da ummanta bata sanka ba, amma hakan behana ta mika amanar Falak agurinka ba, kuma harsakon gaisuwa tayi maka. Tunkafin tasan wanda yarta zata aura tabashi amanar dukiyrta, dan haka inaso kadubi girman Allah karike amanar da aka baka.
.

Nasan kanada zuciyar nema, kada hakan yasa kace bazaka iya amfani da kudin matarka ba, nasan wasu mazan suna yima mata kudin goro suce gori garesu, dan Allah ka auri Falak, baka taba tunanin tanada dukiya ba, ita kanta batasan dasu ba, dan haka inaso amatsayinka na miji, uba, wa, dangi na Falak,ka karbi kudin nan karikesu tamkar naka.

Kada kaji shakkar daukarsu kayiwani amfani dasu, inaso ka gina filinka dasu, kuma ka kara jari kabude shagonka kaima katsaya da kafarka, kada kace zaka jira aikin gwamnati, itama Falak kabata tayi sana,a acikin gidanta, kasiya maku komai na rayuwa, banaso kuzauna cikin kunci, domin Allah ne yakawo maku sauyin rayuwa.

Banaso wani yaji wannan maganar se Ummanka, itama nizanyi matabayani da kaina, dan Allah banaso kace wani abu acikin maganar danayi idan har kadauki Falak amatsayin yar uwarka, to kada kayi duba ga dukiyarta. Allah yabaka ikon rike gaskiya da amana, kuma ya albarkaci dukiyarku.

Sameer yace amen Baba mairo, agaskiya kinbani aiki me matukar wahala, sede yanda nayarda da Falak nasan macece ta gari, da ace wata ce bazan iya amsar dukiyarta ba, domin gaskiya ni mutum ne meson tsayuwa da kafarshi, sede Allah yaga zuciyata, zanrike kudin Falak da amana, kuma insha Allah bazanyi almubazzaranci dasu ba, zanyi amfani da abinda kika ce, amma se idan Umma ta yarda.
.
To Sameer gaskiya naji dadin abinda kace, kuma dama yanzu zantafi can gidan dan nabaro gidan Zarah, seku tashi mutafi gaba daya ayita takare, dan gaskiya ina mejin haushin inshigo gidan nan inga wai kayan auren diyata ne, haka, ada danasan babu halin yi na hakura, amma yanzu tunda Allah yakawo mana canji dole ne, komai ya canza.

Jidda ce kwance adakin Joseph, tana hutawa, shigowa yayi tashi tayi tarungumeshi, dama bawasu kaya bane ajikinta, shima cire kayanshi yayi, yafara sarrafata, ahaka harsuka fada gado, wani irin salo yake mata, can tayi saurin tashi jin yana kokarin shigarta ta baya, cike da tsoro tace Joseph kanada hankali kuwa, wane irin abune haka, angaya maka ni namiji ce dazaka so yin amfani dani ta abaya? Wani irin wawan mari yadauketa dashi, jawota yayi, tana kuka tana bigeshi, dayake Joseph irin manyan mazan nan ne ana take ya murdeta ya hayeta. Kuka da ihu tasa amma takasa kwacewa, tanaji tana gani yayi amfani da ita ta baya. Kaca kaca yayi mata sannan yatashi yafita, kuma yasa key ya kulleta tabaya.

Kukan ma da kyar yake fita, wani irib azaba takeji ajikinta. Ko tashi takasayi, haka ta kwanta har barci yadauketa. Se can ta farka, dawani irin ciwon kai, da kyar da rarrafa tashiga toilet tayi wanka, seda ta gasa jikinta sosai, sannan tafito, riga kawai tasa takoma ta kwanta.

Can cikin baccinta taji anbude kofa, Joseph tagani shida abokanshi har 2, saurin tashi tayi tana kokarin saukowa dag gadon, hannunta yarike yana murmushi, cikin turanci yake magana, Baby ga friends dina nakawo maki sutayaki bacci.  Kallonshi tayi tana kuka tace dan Allah kayi hakuri wlh banason kudinka ka maidani gida plsssss.

Dariya suka dukansu, ya shafa fuskarta yace Baby keda gida har abada, zatayi magana ya fincike rigar jikinta, abokinshi yana ganin kaya, shima yamatso, abinka da bature babu kunya, agabansu yayi amfani da Jidda ta ko ina, tun tana kuka har takasa, yana gamawa shima dayan yayi, haka suka yimata kaca kaca, sannan suka fita suka barta asume, kara kulleta yayi suka tafi.

Lokacin data farka, gari yawaye, rarrafe tayi tashiga toilet, dan bazata iya tashi ba, jikinta duka ciwo yake mata, wanka tayi sannan tayi wankan tsarki, tayi alwala, wanda rabonta datayi wankan tsarki bare sallah tunda tazo london.

Da kyar tasamu tahada kayanta suka rufe mata jiki, dan batada wasu kayan kirki,rasa inda zata kallatayi sallah tayi, hakanan tayi sallah, rokon Allah tafarayi akan yakawo mata dauki. Byan tagama taje bude kofa domin samun abinci da yunwa takeji, amma taji kofar arufe, kuka tasaka tana kiran Al,amin.
.
Seda aka dade sannan aka bude mata kofa joseph yashigo da plate na abinci da kuma glass cup, ashe giya ce aciki yaxuba wasu kwayoyi aciki. Kusa da ita yaje yamika mata abincin, krba tayi tafaraci, tana gamawa yamika mata cup din, sha daya tayi taji warin giya, saurin zubar dana bakinta tayi, tace Joseph, nizaka ba giya? Mari yadauketa dashi, shake mata wuya yayi yadauki cup din yamatse bakinta, ya dura mata duk giyar, seda taji tana niyar mutuwa sannan tashanye. Bakinta yarike dan kada tayi amai.

Cikin lokaci kankani idanuwanta auka juye, wata irin sha,wa ta taso mata, ashe mganin daya samata na sha,awa ne. Nan take tajawoshi suka fada gado.
    Tundaga wannan rana joseph yamaida Jidda yar kwaya, da giya, batada abinsha se giya, tun bataso har tazamar mata jiki, ga kwayoyi tayake bata, duk ta inda yaso yake amfani da ita. Kuma abokanshi babu wanda baya hadawa da ita, gaba daya Jidda tafara lalacewa, idanuwanta sunkoma jajaye.

Al,amin kuwa yana Umarah, banda ibada babu abinda yakeyi, kullum cikin tunanin Jidda yakeyi, duk da yanzu yadena sonta, amma cike yake da danasanin kaita london yake, idan yakirata ma bata dauka, wata rana yakira wani abokinshi makwabcin joseph ne, shine ma yake fada ma Al,amin halin da Jidda take ciki. Sosai Al,amin yatausaya mata, yace ma abokinshi ze iya dauko mashi ita. Yace ai Joseph baya barinta fita, kullum kulle gidan yakeyi. Al,amin yace yana nan zuwa cikin sati insha Allah ze daukota, abokin yace shikenan nima zantemaka maka, dan Joseph mugune.

Haka Baba mairo tayima Umman Sameer bayanin komai, da kuma neman yardarta akan abinda tace, itama ta amince da maganar Baba mairo, kuma takara yina Sameer nasiha akan yaji tsoron Allah, tasan kudi yana iya canza mutum.

.
Cikin kankanin lokaci aka fara gini filin Sameer, kuma yashayi wani babban shago an kara gyarashi yaxuba kaya aciki, yayi yar karamar plaza, wadda aka sa sunan Ameer Plaza, sosai Falak taji dadin abinda Sameer yayi. Dayake gini ne nasamu kudi ahannu dan da nan yakeyin sauri, har kayan da za,a sa agidan Sameer yasiya, sun ajesu agidansu, komai na more rayuwa seda suka siya. Zama suke me cike da so da kauna.

Baba mairo da Halima ma sauna zamansu lafiya, wanda ayanzu tadena kosan saudawa, abinci sukeyi me kyau, har cikin gida ake zuwa siye, almajirai sunafiddawa.

Jalila ma gab take dagama makarantar ta, hakan yasa taroki Falak data bari seta gama sannan taxo gida, Falak tace shikenan, Allah yabada sa,a.

Zarah kuwa hankalinta kwance yake babu abinda ke damunta, tasamu wata me aiki Jummai, batayi komai sede taci tasha, takara kyau, tayi kiba, ta maida Alh, saniyar tatsa, har dukiyarshi tafarayin kasa, sabodayawan kudin dayake bama Zarah, sosai ta tara kudi a account dinta. Bata da wata damuwa sena rashin dawowar Jidda, wata rana har kuka takeyi, takasa fadama kowa se Jalila, itama dataji haka seda tayi kuka, dan tasanyawon duniya kawai Jidda ta tafi, kullum cikin yimata addua, take.

Al,amin kuwa yana gama Umarah yakira abokinshi yace gashinan, ze taho, jirgin karfe 8 yabi yawuce London yana me addu,ar samun nasara akan Joseph.

Share this

WhatsApp