DAGA TAIMAKO Page 21-25 (THE END)

DAGA TAIMAKO Page 21-25 (THE END)
.

Muhibba itama waje tayo da gudu duk tabi ta rude,kicibis suka yi da Mahaifiyarta Dan itama agigice tafito daga palon data ga shigewar Abdulmajeed  abakin k'ofar palon "Muhibba lafiya kuwa mai ya faru naga Abdulmajeed ya Shiga d'akinku da gudu," "wlh umma Nima bansani mai yagani ba muna cikin magana ya fito aguje," Muhibba tace   a dai dai lokacin da take kwankwansa k'ofar d'akinsu tana ",Abdul lafiya mai ya faru ne,"? Abdulmajeed da sabida tsabar tsorata da yayi dan ayau Aljanar tafi masifar bashi tsoro,Dan fitsari ya saki ajikinsa,ya had'a gumi in banda rawa babu abinda jikinsa yake,sai da Muhibba ta k'ara kwankwasa k'ofar ya tuna Ashe a gidansu muhibba yake,  wani irin kunya da  tsoro ne ya k'ara rufeshi,ya kalli jikinsa da ya jike da fitsari,muryar Mallam Hashimu ne ya dawo shi daga tunanin da yake Dan Maryam k'ofar gida ta tafi ta gaya mishi abinda ke faruwa,"Abdulmajeed kunya ce ta k'ara rufeshi ya kasa bud'e k'ofar Dan fararen kaya ne  ajikinsa,suna ganinsa zasu San yayi fitsari"Abdulmajeed ka bud'e k'ofar mana mai ya faru ne"? Mallam Hashimu yace yana k'ara buga k'ofar,bud'e k'ofar yayi ahankali yayi waje da gudu,Mallam Hashim ya rufa mishi baya, Muhibba sallati ta saki tana " Umma na shiga uku ko dai Abdul gamo yayi"? Maryam itama bayansu tabi tana sallati Dan itama Abdulmajeed ya tsorata ta Dan ta rasa mai yasa shi gudu,     Abdulmajeed na k'ok'arin hawa machine d'insa Mallam Hashimu ya rik'eshi  yace" Abdulmajeed lafiyarka kuwa mai yake damunka   mai ka gani daya tsorata ka haka" da sauri yace " Wlh wanan aljanar ce ta sako ni agaba duk  in da nayi sai na ganta,narasa mai yasa take bibiyata,tun jiya ta hargitsani, ta hanani zaman lafiya duk  da ba ni na bud'e mata k'ofa bar,na rasa yanda zanyi,"Innalillahi wa inna ilaihi rajiun, Aljanar kagani ka gudu kenan" Mallam Hashimu yace atsorace,"eeee wlh yanzu haka ma tana gidanku,yace yana k'ok'arin Tayar da machine d'insa, Muhibba a gigice itama ta fito waje Dan gabad'aya Abdulmajeed ya rudata,hangosu da tayi da Mallam Hashimu ne yasa  ta fasa  k'arasawa wajensu,Abdulmajeed kuwa hango Muhibbar da yayi a k'ofar gida ne yasa ya ja machine d'insa da gudu yatafi Dan yana jin kunyar karyar da ya mata,binshi su kayi da kallo, Muhibba ta k'arasa gurin Mallam Hashimu da ya daskare a tsaye,"Baba wai mai yace ma ya tsorata shi ne"? Muhibba tace cikin tashin hankali, ajiyar zuciya Mallam Hashimu yayi yace "Muhibba kuna cikin tashin hankali ke da mijinki kuna bukatar taimako,"

"Innalillahi wa inna ilaihi rajiun Baba wai mai  yace ma ko shima aljanar ce take tsorata shi" Muhibba tace hawaye na zubo mata
.

"Zo mu shiga ciki Muhibba maganar bata tsayuwa bace"

Mallam Hashimu yace yana shiga ciki bayansa Muhibba tabi da saurinta Dan ta matsu taji abinda ya tsorata Abdulmajeed tsorata haka,atsakar gida suka zauna Maryam itama ta matsu taji abunda ya tsorata Abdulmajeed,Dan har d'akin da suka zauna ta lek'a bata ga komai ba,magana Mallam Hashimu ya farayi bayan ya goge gumin fuskarsa,"Maryam Abdulmajeed da Muhibba na bukatar addua Dan sun had'u da sharrin aljanu,ba iya Muhibba aljanar ke tsoratawa ba,har da Abdulmajeed,yanzu ma haka ita ta tsorata shi shi yasa kika ga ya gudu"

.

"Innalillahi wa inna ilaihi rajiun" Muhibba da Maryam suka ce atare, "Baba yanzu har Abdulmajeed aljanar ke tsoratawa cemin fa yayi Jiya lafiya lau yayi barci babu abinda ya gani"

"To haka dai yace jiya bai runtsa ba duk inda yayi sai yaga aljanar" Mallam Hashimu yace yana kallon d'akin da suka zauna Dan gani yake kamar aljanar tana ciki,

"Yanzu mallam mai abin yi Dan bamu ga ta zama ba"
"Ai yanzu nan zanje insamu Mallam Isah muyi magana Dan dole sai ansamu mallamai sun taya mu da addua,Allah ya rabasu da sharrin aljanar idan baha ka ba,haka zata cigaba da bibiyarsu Dan Allah dubi yanda Abdulmajeed ya firgice,dole Muhibba ta dawo gida,Dan abinda zai firgita irin Abdulmajeed ba k'aramin abu bane,
.
Mallam Hashimu Sunan Muhibba ya kira dake ta risgar kuka yace "Muhibba duk yanda akayi har yanzu kina nan da jin wanan wake waken Dana hanaki,kina zama babu dankwalli akanki,kina shiga band'aki babu addua abakinki,Dan matsawar kina nan da wanan halin Dana sanki dashi dole aljanu su dameki" Muhibba d'agowa tayi da Sauri tana kallon Mallam Hashimu Dan duk abinda ya fad'a gaskiya ne Dan hasali ma in zata Shiga  band'aki da wak'a take shiga,wayarta kuwa kullum cikin rashin chajin chaji yake sabida jin kid'a,ita da dankwalli  kuwa dama sai dai in zata je unguwa,itama tunani ta hau yi  yanzu akan wayanan 'yan dalilan sai aljana ta sako ta agaba,bata ga arna dake yawo ba dankwalli ga Karin gashi da suke da chineke suke Shiga band'aki su fito da chineke sai ita aljanar zata takurawa,ita bata yarda akan haka Aljana ke takura mata ba,To Abdulmajeed da ta takura wa fa shi kidan yake ji ko dankwalli shima zai sa ya d'aura kansa,sam bata yarda wanan dalilin ne yasa aljanar take bibiyarsu ba,mugunta ce kawai,Nasiha shima Mallam  Hashimu yayi mata na inta San duk abinda ya zayyano tana yi to ta daina Dan duk hanyo yi ne da aljanu zasu iya takura mutum.

.
B'angaren Abdulmajeed kuwa yana zuwa gida ba zarce ko Ina ba sai band'aki Dan Allah  Allah yake ya k'araso gida,sai da ya samu Minti goma aband'aki kafin ya fito,wajen Mahaifiyarsa ya nufa dake Palo a zaune tana kallo,,sallamar da ya yayi ta amsa ta zuba mishi ido har ya zauna,ganin shi  tayi awani hargitse, jiran tace " Abdulmajeed lafiya kuwa naganka haka yasu Muhibbar,"?

"Umma ina fa lafiya Aljana ta sako ni agaba na rasa mai nayi mata,yanzu ma da naje gidansu Muhibba sai da ta biyoni,bansan mai nayi mata ba,ni  bani na bud'e mata k'ofa ba amma ni ta sako agaba, yanzu a haka zan  na fita tana tsorata ni sai dai kawai aga ina gudu,sai kace mahaukaci Dan babu Wanda yake ganinta sai ni kadai"',Abdulmajeed yace cikin tsanin damuwa da tashin hankali,Hafsa shiru tayi ta kasa Magana Dan abun yanzu ya wuce tunaninta,to wai mai yasa aljanar ta daina bibiyar Muhibba ta koma tana Bibiyar Abdulmajeed,kwantar masa da hankali tayi tace ya bari Abbansa ya dawo zasu  nemi mallami  suyi mishi bayanin abinda ke faruwa.

.
Abu kamar wasa ya zama gaske,Dan babu dama Abdulmajeed yafita sai anga ya dawo da gudu,Dan Duk inda yayi sai yaga aljanar,dai dai da makaranta da ya shiga Dan ya koyar da dalibai sai da ta bi yo shi,yana tsaka da koyar da Maths  ya hangota acikin dalibai wanan Karin a sifar yara ta bayyana,Abdulmajeed bai San lokacin da ya wurgar da chalk d'in hanunsa yasa gudu ba,daliban kuwa ganin Mallaminsu ya diba aguje yasa suma suka rufa mishi baya, makaranta tuni ta hautsine dalibai suka ringa  tik'ar gudu a bakin titi,Jamaar gari hankalinsu ya tashi da su ka ga yanda dalibai da mallamai ke zuba gudu a bakin titi,Abdulmajeed da k'yar ya   k'arasa gida, yana shiga gidan yaga aljanar abakin k'ofa a tsaye,ja da baya ya fara yi yana " wai mai nayi miki kike bibiyata?,mai kikeso awajena? Mai yasa kike  San ki cutar dani?

Wani mahaukacin dariya ta kwashe dashi  cikin yanayinta na ban tsoro ta fara nufar shi tana " Abdulmajeed Baka ga komai ba tukuna ba dai ka iya wulak'anta mutane ba,zan koya maka hankali,gobe Idan kaga wani bazaka k'ara marmarin wulak'an ta shi ba, ahaka zan ta bibiyarka har sai ka kusa zaucewa",

Abdulmajeed  fad'uwa yayi kasa sumamme sakamakon ganinta da yayi akusa dashi.

.
Farko munji tsoro sosai da sosai sbd yadda kike firgitamu har cewa nayi na dena karantawa sai daga baya kuma abun ya zama na daria ba kadan ba..gaskia kin samu daria kin sakamu nishadi mara misaltuwa..jz bil jannah

All hakika yawan page na novel ba shi bane dadin littafi ko maanarsa ba, novel na maana da dadi akan abinda ya kunsa ne kuma ya koyar da al-umma wani muhimmin darasi na rayuwa. Komin kankantarshi kuwa.

*Aljanu gaskia ne sbd Allah ne ya haliccesu harda surarsu cikin Al Qurani mai girma(suratul jinn)* *_sannan suna shiga jikin dan Adam musamman jikin da babu kariyar al-qurani da ambaton Allah._*
.
_Ya kamata mu kiyaye duk wata hanya da jinnu zasu iya shiga jikinmu har su firgita mana rayuwa_

Duk da lbrn nan true life story ne amma nayi imani *Sadnaf* ta baje basirarta wajen tsara shi don yayi dadi kuma sakon da take son Isar ma jamaa ya iskesu ta hanyar da zasu ji dadin fahimta.

Tabbas dunia makaranta ce, Abdul Majeed ya hadu da babban karatu mai kyakkyawan darasi na sharrin *wulakanci* dama haka rayuwa take,ka zauna kana wulakanci babu ji babu gani,insha Allahu wata rana sai Allah ya hadaka da gamonka tun a dunia.
Allah ubangiji ya karrama dan Adam a cikin dukkan halittun da yayi na dunia. *Kai waye da zaka wulakanta shi kuma kayi tunanin Allah zai barka a haka* ??????????
.
Ya kamata mu saka hattara a rayuwarmu musamman haduwar nan da muke ta social media wadda ba sanin juna mukayi ba,bamu san dawa muke zaune ba, wata rana wani zai maka yanzu ko nan gaba,ina Allah zai hadaka da mutun nan gaba,wace irin alfarma zaka nema ko a nema a wajenka. Wadan nan duka abun dubawa ne idan mukayi laakari da cewa duniar kanta is a small place. Ya kamata mu rage wulakanta juna, mu fahimci juna mu zauna lfy kodon rashin sanin dawa muke zaune, *idan ba haka ba mutum yayi irin na Abdul Majeed*

Sakaci da addua shine babban matsalarmu a yanzu tsabar yadda muka sa dunia a gaba.
Ya kamata mu dage da Azkar na safe da marece don neman tsarin Allah akan dukkan wata azzalumar halitta.

Zama ba kallabi,shiga bayi anyhow, yawan kide kide a cikin gd daga safe har marece duk hanya ce ta gayyatar aljanu,maraba da su da basu kyakkyawan wajen zama a gdnka da jikinka.

Fatan alkhairi nake maki da zuriarki baki daya
Allah yasa kifi haka
Allah ya kara baseerah da kaifin ido.

*.

K'arar fad'uwar Abdulmajeed  dasu Mallam isah suka ji ne yasa suka yo hanyar waje dagudu,abakin k'ofa suka ga Abdulmajeed akwance,sallati suka yi Mallam Isah yayi Sauri ya d'agoshi yana k'iran sunansa,Hafsa da sabida gigicewar da tayi bokitin ruwa ta kinkimo,ta fara watsa mishi,dogon ajiyan zuciya Abdulmajeed yaja ya bud'e idonsa ahankali,kuka ya fashe dashi yana " na shiga uku na lalace Abba aljanar nan tana so ta zautar dani,ni da mai tab'in hankali babu maraba,tace  na mata wulak'anci haka zata yi ta bibiyata Abba Dan Allah Ku taimaka min Ku rabani da ita " Abdulmajeed yace yana k'ara fashewa da kuka,Hafsa da tunda Abdulmajeed ya fara magana itama take kukan Dan Tausayin d'anta take ji jarumi irin Abdulmajeed yabi ya rame ya susuce kamar bashi ba, Magana ta fara yi tana " Mallam Dan Allah mu kai Abdulmajeed gun wani Mallamin ba sai mun jira dawowar  Mallam  Saminu  mai Rukiyya ba,  idan muka ce zamu yi ta  jiransa bamu San ranar dawowarsa ba gashi aljanar nan kullum sai ta tsorata shi,ba dama ya fita sai ya dawo da gudu,in bai suma ba zai tafi band'aki,wanan Masifar da mai tayi kama," Hafsa tace tana k'ara fashewa da kuka,

.

"Hafsa bazaki gane ba,Mallam Saminu mai Rukiyya shi kadai ne zai iya raba Abdulmajeed da Aljanar dake bibiyansa Dan yana aiki da aljanu,amma  duk inda zamu je sai dai aci kud'inmu yanzu kinga Mallam Jamilu da ya zo cemin yayi na kawo dubu ashirin ya rabashi da aljanar Dan ta aureshi,kiji fa,amma idan wajen Mallam Saminu mai Rukiyya muka kai shi kud'in sadaka kawai zamu bashi,ya kuma rabashi  da aljanar,tunda kinsan shi yayi wa Ainau addu'a ta samu sauki" Mallam Isah yace cikin tsanin damuwa

" Hafsa share hawayen da ya zubo mata tayi tace " to shikenan Mallam yanzu yaushe zaka koma Gidan Mallam Saminu mai rukiyyar,ka duba kaga ko ya dawo"?

.
"Ai basai naje gidansa ba inada Numbers zan kirashi naji yaushe zai dawo,Abdul tashi mu Shiga ciki kaji Insha Allahu,zamu rabaka da aljanar",Mallam Isah yace yana mik'awa Abdulmajeed Hannu daya yi Shame shame akasa yana zubar hawaye,Abdulmajeed Mik'ewa yayi,suka shiga ciki,jin ana kiraye kirayen sallah ne yasa yaje yayi alwala ya nufi massallaci Dan tun daga lokacin da aljana ta sako shi agaba  ya daina wasa da sallah

.
Muhibba kuwa tundaga lokacin da Abdulmajeed yazo gidansu ya tafi take ta kuka gabad'aya ta rasa mai ke mata dadi,ta rasa mai yasa aljana take  bibiyar ita da  Abdulmajeed,laifin ne Dan ta taimaka mata,ahaka Muhibba ta  wuni tana kuka,sai da ta ga ba kukan shine Mafita agare ta  ba,addua ya kamata ta dage  ta ringa  yi Na Allah ya rabasu da aljanar ya karesu daga sharrinta,Da wanan tunanin Muhibba ta dage da addua ba dare ba rana akan Allah ya rabasu da Aljana dake bibiyarsu,ayau kwana hud'u kenan rabonta da Abdulmajeed ko awaya bata samunsa,hakan kuwa ba k'aramin damunta yake ba,shawara ta yanke zata je gidansu taji ko Lafiya.

.

K'arfe uku na rana ta nufi band'aki tayi wanka ta d'aura alwala,tafito tazo gaban mudubi ta fara shiryawa Dan so take tana idar da sallar la'asar ta tafi gidansu Abdulmajeed,tana cikin shafa hoda ta hango  wanan aljanar abayanta ta zuba mata ido tana kallonta,Muhibba duk da ta tsorata adduoi ta ringa yi azuciyarta ta d'aure ta fara magana Dan ta sha alwashin indai aljanar ta k'ara bayyana bazata gudu ba,zata tsaya ta tambayeta mai takeso awajensu take bibbiyarsu,cikin  jarumta da rashin tsoro Muhibba bakinta d'auke da ayatul kursiyyu ta juya abun mamaki bata ga aljanar ba amma da ta juya ta kalli Mudubin aljanar na nan a tsaye,bata tsorata ba ,tace  "mai yasa kike bibiyar ni da mijina? Mai muka miki ? Laifine Dan na taimakeki?
.

murmushi aljanar tayi da ya k'ara sa ta zama abun tsoro hak'oranta mai kama da na allura ya bayyana cikin Muryar da tafi kama da sauk'ar aradu ta fara magana " baki min komai ba Muhibba,laifin mijinki ne ya shafeki,banida niyyar in cutar dake,hasali ma sanki nake yi,Dan gashinki na burgeni,wak'ok'in da kike sawa awaya yana sani nishadi,Dan abinda ke kawoni gidanki kenan,ba abinda yafi burgeni dake kamar in kika shigo band'aki naga kina d'an wak'a gashinki a bud'e ,ni sanki nake yi ,Mijinki ne dai ya min laifin domin ya wulak'antani,ya mareni akan nace ina sansa ,ya koreni Dan naje bara,ya zageni Dan naje gidansu neman taimako ,Dan haka sai na rama abinda yamin,"

Muhibba da jikinta ke rawa sabida muryarta ba k'aramn tsoro ya bata ba,tambayarta  ta ke so  tayi mai Abdulmajeed ya mata ta b'ace,addua tayi,ta cigaba da kwalliyarta,k'arfe hud'u saura ta fito daga gida ta nufi gidansu Abdulmajeed.
.
Atsakar gida ta samesu a zaune Abdulmajeed na kwance akan tabarma,yana jin karatun Qurani,Mallam Isah da Hafsa na daga gefensa,sallamar da tayi suka amsa,Abdulmajeed ya d'ago yana kallonta,Dan ayanzu haka ita yake tunani Dan yayi missing d'inta sosai amma ba dama yaje gidansu Dan yana fita aljanar zata kunya ta shi ta  sa shi  gudu abakin titi ko ta sa shi sakin fitsari a wando,Muhibba durk'usawa tayi tana gaishe da su Mallam Isah idonta akan Abdulmajeed da ya tsura mata ido,gani tayi yabi ya rame kamar ba shi ba ,take taji hawaye na Neman zubo mata sabida tausayinsa da ya rufeta,Wai Abdulmajeed d'inta da baya tsoro ba yasan wargi,shine ya zama haka abun tausayi,amsa gaisuwarta su Mallam Isah sukayi suna tambayarta ya mutanen gidan,ce musu tayi lafiyarsu kalau,dama taji Abdulmajeed shiru ne kwana biyu shine tace bari tazo taga ko Lafiya,ashe ma bashi da Lafiya,Dan duk a tunaninta Abdulmajeed bashi  da Lafiya,Hafsa cewa tayi ina fa lafiya Aljana ta sako Abdulmajeed agaba tana Neman zautar dashi,bashi da aikin da wuce gudu, da zuwa band'aki,tausayin Abdulmajeed ne ya k'ara rufe Muhibba tace musu ba abanza Aljanar ke bibiyar Abdulmajeed ba,laifi yayi mata,zaro ido suka yi suna kallonta, Abdulmajeed yayi sauri ya zauna yana tambayarta wane laifi yayiwa Aljanar da zata sako shi agaba,ajiyar zuciya ta sauke ta fara basu labarin abinda Aljanar ta gaya mata,ak'arshe tace " Abdulmajeed zaka iya tuna wacce ka  mara Dan tace tana sanka,zaka iya tuna wacce tazo bara gidanku ka koreta?zaka iya tuna wacce tazo Neman taimako ka zageta"? Shiru Abdul majeed yayi,yana tunanin wa ya tab'a Mara dan tace tana San shi,sai da yayi tunani mai zurfi kafin ya tuna,ya tab'a zabgawa wata mari da ta dage tana sanshi,

.

*WAIWAYE*
.
    Lokacin da Abdulmajeed ke zuwa high institution ,Dan gayu ne na k'arshe yana mugun ji da kansa gani yake yafi k'arfin ,yan matan makarantar,Dan aganinsa babu ajinsa a cikinsu,Dan ba laifi 'yan mata suna sanshi, hakan ne yasa ya d'orawa kansa Girman kai yake wulak'anta 'yanmata,abokanansa suyi ta mishi wa'azi,watarana suna zaune ak'arkashin bishiya suna hira da abokanansa,d'aya daga cikinsu yake basu labarin yarinya da yakeso a ajinsu,

.

Abdulmajeed dogon tsaki yaja yace wa abokin na shi, yayi asara ya rasa wacce zaiso sai wanan bak'ar hallitar mumuna, Aljana da tafito shawaginta tana saman bishiya tana jinsu,jin abinda Abdulmajeed yace ne yasa ta rikid'e ta koma mutum, a mumuna siffa,Wanda sabida muninta bazaka so ka k'ara ganinta ba,gata bak'a wuluk,taho wa tayi daga nesa ta nufi inda suke,abokanan sa kuwa dama suna da kallon mata,hangota da suka yi daga nesa ne yasa suka fara gulmarta suna cewa basu tab'a ganin mai muninta ba,duk abinan da suke Abdulmajeed bai d'ago ba yana dai jinsu,ganin da suka yi wajensu ta nufa yasa suka ja bakinsu su kayi shiru suna mamakin wajen wa zata zo,tana isa wajensu ta saki murmushi tana gaishe su kasa amsawa sukayi sakamakon tozali da suka yi da hakoranta jajjaye da ya k'arawa fuskarta muni,Sagir ne yayi k'arfin hali ya amsa gaisuwarta yana tambayarta mai take nema awajensu,murmushi ta k'ara yi tace wajen Abdulmajeed tazo,Abdulmajeed d'agowa yayi da sauri Dan duk abinda ake kansa a sunkuye yake,tozali da yayi da fuskarta ne yasa yaji wani zafi a zuciyarsa,Dan arayuwarsa ya tsani munana,gani yayi ma ta raina mishi hankali yama zaayi tace wajensa ta zo,cikin had'e rai yace mata lafiya tak e nemanshi,batare da wani b'ata lokaci ba tace mishi sanshi take yi,abokanan Abdulmajeed k'yalk'yale wa suka yi da dariya da suka ji abinda tace,Dan sun San Abdulmajeed ya  tsani mumunar mace,dariyar da suka yi ne ya tunzura Abdulmajeed ya zabga mata lafiyayyun mari guda biyu,yace shi sa'arta ne da zata ce tana sanshi,in taga level d'inta bata sani ba,zagi ya rufeta dashi,Aljana ta durk'ushe akasa tana kuka,zaginta ya cigaba da yi kamar zai daketa Dan ma abokanansa na rikeshi,mik'ewa tayi ta goge hawayenta ta ce Dan ta ce tana sanshi shine zai mareta,d'aga hannu zai   k'ara  marinta  su sagir suka yi sauri suka rik'e mishi hannu,girgiza kai tayi tace yaje zai gani,da zagi ya bita har tabar gurin,tun daga lokacin Aljanar nan ta ringa zuwar wa Abdulmajeed a siffar mutane,yana wulak'anta ta,a almajira taje gidansu,yana tsakar gida yana cin abinci,Almijira ta ringa zabga bara tana a taimaketa Dana abinci yunwa take ji,sai da ta kai minti talatin tana bara,Abdulmajeed ko d'agowa bai yi ya kalleta ba,ganin da yayi ta cika mishi kunne da bara ne yasa ya mik'e afusace ya koreta yana ce mata mayya sai kace dole,Aljana kuwa ta k'ara zuwa gidansu daddare yana zaune a k'ofar gida wata tazo Neman taimako wai bata da kaya ataimaka mata,ganin Abdulmajeed bai kulata bane yasa ta fara k'ok'arin shiga gidan,tsawa ya daka mata yace mata ajiya ta bawa mutanen gidan zagi ya rufeta dashi na uwa na uba ya koreta,Aljana kuwa tana tafiya ta sha alwashin sai ta rama abinda Abdulmajeed ya mata itama ta zautar dashi,wanan kenan.
Da sauri Abdulmajeed yace ya tuna wacce ya tab'a zabgawa mari,girgiza kai Muhibba tayi tace mishi

"To ba mutum bace Aljana ce,sallati su  Mallam Isah suka yi suna sun shiga uku Abdulmajeed kuwa jikinsa ya fara rawa Dan ya tuna tace yaje zai gani,

Muhibba k'ara tambayarshi tayi ko ya tuna almajirar da tazo bara da kuma wacce tazo Neman taimako,?Abdulmajeed sai da yayi tunani mai zurfi yace ya tuna,nan ma Muhibba tace mishi Aljanar ce,,

.
Abdulmajeed hankalinsa ba k'aramin tashi yayi ba,ya ringa kuka yana Dana sani,Mallam Isah kuwa jin fad'a ne tsakanin mutum da aljan ne yasa ya suri wayarsa ya k'ira Mallam Saminu mai Rukiyya,Mallam Saminu mai Rukiyya yace mishi dawowarsa kenan daga kauye,ai da sauri Mallam Isah ya ajiye wayarsa yace musu su zo su tafi wajen Mallam Saminu mai Rukiyya basu ga ta zama ba,ahaka suka dunguma suka nufi gidan Mallam Saminu mai Rukiyya ,basu samu ganinsa ba sai wajen Magriba,suna zama,yace suje suyi alwala su dawo,dukansu Alwala suka yi Muhibba kuwa sai addua take Allah yasa ya iya masu tsakani da Aljanar,bayan sun zauna yabi Abdulmajeed da kallo,gyaran murya yayi yace yasan mai ke tafe dasu, Dan Aljanar tariga su isowa wajensa ta gaya mishi duk abinda  yafaru,Dan haka tace ya cire hanunsa a lamarin,Dan sai ta d'au fansar wulak'ancin daya yi mata,Sallati Suka yi gabad'aya Abdulmajeed kuwa ya saki tusa,kuka yasa yana ya taimaka ya bata hakuri ya daina ya tuba bazai sake ba,Mallam Isah da Muhibba ma rokon  Mallam Saminu mai Rukiyya suka ringayi suna ya taimaka musu,ya bata hakuri,Mallam Saminu bai ce komai ba ya tashi ya shige d'akin sai da ya samu minti arbain kafin ya fito,ce musu yayi ya  samu ta hakura dak'yar amma tace bata hakura gaba d'aya ba,zata rama nan gaba yanda masu hali irin nashi zasu daina,amma tace insha Allahu bazata k'ara bibiyarsu ba,Abdulmajeed hankalinsa ba k'aramin tashi yayi ba daya ji abinda Mallam Saminu yace,magana yake so yayi,Mallam Saminu ya dakatar dashi yace ya yi iya yinsa Dan haka yaje su dage da addua wanan kuma ya zame  masa darasi,adduoi ya basu da shawarwari na hanyar da zasu bi su nisan ci kansu da aljanu,Godiya Mallam Isah ya mishi ya bashi sadaka suka fito.
..

A takaice washegari Abdulmajeed yaje gidansu Muhibba ya d'auketa bayan dogon nasihan da iyayen Muhibba suka musu,Dan Muhibba ta gaya musu komai suka nufi gidansu,suna isa Muhibba ta duro daga kan machine  ta nufi gidan Surayya Dan tayi missing d'inta sosai,Surayya dake band'aki tana wanka ta bar k'ofar band'akin a bud'e dan tunda daga lokacin da su Muhibba suka tafi gidansu take cikin matsancin tsoro ko an kwankwasa k'ofa bata bud'ewa sai kayi magana tasan wanda ke kwankwasa k'ofa da yake Muhibba ta kagu taga Surayya buga gidan ta ringa yi da k'arfi, tuni Surayya ta wurgar da soson hanunta ta diba aguje,tayi d'aki ta ma manta tsirara take ta fara wa innahu Sulaimanu,sai da taji muryar Muhibba tana ta bud'e mata sanan ta d'aura zani taje ta bud'e k'ofar,rungume juna suka yi,suna murnar ganin juna atsaitsaye Surayya ta ringa bata labarin abubuwan da suka faru da bata nan,da irin gudawan da Abdulmajeed yazo yayi a gidansu, Muhibba in banda dariya babu abinda ta ringa yi tana rik'e ciki,anan itama ta bata labarin abinda yasa Aljanar take bibiyarsu,Surayya tsoro ne ya kamata tana Allah ya karesu daga sharrinsu.

A Daren Abdulmajeed a ango yake sak, Dan ya dirje Muhibba kamar kayan wanki to an kwana biyu ba ahadu ba, tun daga lokacin Abdulmajeed baya wasa da sallah da tashin dare,Muhibba kuwa kullum kanta a d'aure tana jin karatun Qurani.

.
Bayan shekara biyu Muhibba na asibiti tana nakuda,Abdulmajeed hankalinsa yabi ya tashi,sai kai da kawowa yake Dan tun cikin Muhibba na karami Allah ya jarrabce shi da San cikin,bayan awa d'aya da rabi da aka shigar da Muhibba nurse ta lek'o tace Abdulmajeed yazo yaga jaririya matarsa ta sauka lafiya,da saurinsa ya nufi d'akin,har yana Neman yayi tuntub'e Surayya na biye dashi abaya,Gani yayi Muhibba ta kau da kanta, bata kallon inda jaririyar ke kwance,bai kawo komai aransa ba,ya nufi inda aka kwantar da jaririyar,abinda yagani ne yasa yaja da baya,jaririyar bak'a ce irin k'irin d'inan,gata katon kai ne da ita, muni iya muni wanan jaririyar ta had'a,cikin tashin hankali,ya d'ago zai yi magana,Muhibba tayi sauri ta ce yayi shiru,anan ta tuna mishi abinda Aljanar tace na zata rama,shiru yayi bai ce komai ba.

A takaice duk Wanda yaga jaririyar da Muhibba ta Haifa  sai ya girgiza,ahaka aka lallaba akayi suna  Muhibba ta cigaba da kula da jaririyarta Dan ita bata k'i jaririyar ba,Abdulmajeed kuwa shima haka ya ringa ririta jaririyar Dan yasan abinda ya shuka shi ya girba.

.

Ahaka Muhibba ta k'ara haihuwar yara hud'u amma kyawawa Zainab ce dai ta banbanta acikinsu wato ta farin, Dan muni kamar ayanka a b'oye,Abdulmajeed kuwa tunda ga lokacin ya daina wulak'anta mutane,duk wanan zafin kan babu.

.

Anan na kawo karshen daga taimako kuskuren Dana yi aciki Allah ya yafemin.
.
Jinjina ga marubucin wannan littafin Sadnaf sai kuma ni da nakawo muku Abdullahi yahaya saad (AYS) nake cewa sai mun sake haduwa
.
CALL or SMS
07066508080
.
Whatsapp
07066656752

Share this

WhatsApp